Hoy mama!
Gumising ka!
Tingnan mong katabi mo.
Kanina pa ako sumakay sa bus na ito
pero di ka man lang sumulyap.
Nakapikit ka at patangu-tango sa bawat
pagtigil ng dambuhalang makina.
Lumilinga na nga,
ngunit malalim yata ang iyong pagod
na naghari sa iyong likod
kaya sa buong byahe, ikaw ay naiduyan
sa bisig ng walang kamalayan.
Sa kalagitnaan ng trapik
ikaw ay nakapikit.
Di mo alam ang pag-ikot ng orasan
pati akong nakikisiksik na lang sa upuan.
Mama, sa susunod, umusog ka kahit konti
pareho tayong may bayad at sukli!
Sumulyap ka rin, mama, at
baka ako ang babae sa iyong pangarap.
| |
|
